Botadura da Uxía (II)

Agosto 25, 2018 on 2:54 | In General

O pasado sábado dia 18. realizóuse a botadura da dorna nai Uxia, tras cinco anos de traballos. O acontecemento fíxose na mariña da Agrupación Náutica San Gregorio, con quen compartimos este evento.

Neste fermosa cerimonia contamos coa asistencia do Concelleiro de Cultura do Concello de Vigo, o Sr. D. Cayetano Rodríguez Escudero, que nos honrou coa súa presenza.

Botadura da Uxia (I)

Agosto 16, 2018 on 8:57 | In General

O vindeiro sábado dia 18, vai ter lugar no pantalán da Agrupación Náutica San Gregorio, de Vigo, a botadura da nosa dorna nai UXIA. Despois de cinco anos de traballos a dorna quedou do trinque.

Todos aqueles que teñan interese pola nosa cultura mariñeira están convidados ao evento.

XV Xuntanza de Embarcacions Tradicionais de Moaña

Agosto 16, 2018 on 8:51 | In General

Remadoira acudiu este ano ao 15º Encontro de Embarcacións Tradicionais de Moaña (Pontevedra), que tódolos anos organiza a Asociación Sueste., acontecido os dias 11 e 12 deste mes.

Remadoira acudiu o encontro con tres embarcacions. Unha fermosa xornada con moitísimas embarcacions lucindo a nosa ría.

Cogami 2018

Agosto 15, 2018 on 3:59 | In General

Outro ano màis, coa compaña da Agrupación Náutica San Gregorio,  voltamos a colaborar cos nosos amigos de COGAMI. Uns poucos rapaces con discapacidade desta federación veñen connosco a dar un paseiño a vela pola nosa ría e así  coñecer de preto un pouco da navegación en embarcacións tradicionais. Todo un gozo tanto para eles coma para nos.

3º Concurso de pesca Infantil

Xullo 8, 2018 on 7:11 | In General

Este pasado sábado dia 7, tivo lugar no pantalán da Agrupación Náutica San Gregorio o “III Concurso de pesca infantil con boia” desenvolto pola Agrupación Náutica de San Gregorio, a Asociación de Pesca Deportiva Rías Baixas e a Asociación de Embarcacións Tradicionais Remadoira.

A xornada foi un éxito de asistencia, nun concurso que cada ano gaña mais adeptos. Este ano case coarenta rapaces e rapazas gozaron dunha fermosa xornada de pesca.

A gran asistencia foi  axudada por un fermoso día, que permitiu  que @s participantes poideran gozar dunha xornada de pesca en contacto coa natureza, reflexionando, observando e interpretando o medio mentras socializan e desenvolven virtudes coma a paciencia e a constancia.

É un concurso de pesca sen morte, onde o impácto na naureza é mínimo xa que as capturas se voltan a auga despois de pesalas, causándolles a minor molestia posibel.

@s nen@s estiveron acompañados dun adulto, o que foi unha magnífica oportunidade de convivencia, encontro e creación de recordos dunha xornada de pesca xuntos.

Ademais de cinco premios e accesit a peza maior en ambaslas duas categorías (benxamíns e infantís)  tódol@s participantes recibiron medallas e un “premio a paciencia” pola súa entrega e constancia na práctica da pesca. Tras participar nun sorteo, despedímosnos ata o vindeiro ano, data que tanto nen@s coma adult@s voltemos a coincidir nun concurso tan entrañabel.

 

3º Concurso de pesca Infantil

Xuño 23, 2018 on 11:37 | In General

O vindeiro sábado día 7 de Xullo, vaise celebrar nas instalacións da Agrupación Naútica San Gregorio, o 3º concurso de pesca infantil “sen morte”. Neste evento poderán participar nenos e nenas de ata 16 anos de idade.

Os rapaces que estean animados a participar deberán traer unha cana de pescar. Asemade, é obrigatorio que estean acompañados por un adulto durante todo o concurso. A proba dará comezo as 10:00 para rematar as 13:00 do meiodía. Despois procederáse a entrega de premios e accesits para os participantes.

Este concurso está organizado pola Asociación de Pesca Deportiva Rias Baixas, Agrupación Nautica San Gregorio e Remadoira.

Todolos rapaces que queiran participar deberanse inscribir no Kiosko El Bicho, xunto a Igrexa de Bouzas. A inscripción é de balde.

Animádevos e vinde a gozar  dunha divertida mañá.

 

Nadal 2017

Decembro 18, 2017 on 3:04 | In General

XIV Xuntanza de Embarcacions Tradicionais de Moaña

Agosto 20, 2017 on 1:08 | In General

Remadoira acudiu este ano ao 14º Encontro de Embarcacións Tradicionais de Moaña (Pontevedra), que tódolos anos organiza a Asociación Sueste., acontecido os dias 12 e 13 deste mes.

Mais de 30 embarcacións démonos cita neste encontro. Pola nosa parte, Remadoira acudíu ao encontro con 8 embarcacións, todas as que neste ano están navegando da nosa extensa flota.

2º Concurso de Pesca Infantil

Agosto 20, 2017 on 12:23 | In General

Todo un éxito o concurso de pesca infantil deste ano 2017. Case 20 rapaces e rapazas acudiron ao pantalán da Agrupación Náutica San Gregorio, de Vigo, para gozar dunha fermosa mañan de pesca.

Os peixes que se pescaban pasabanse pola pesa para apuntar o seu peso e, de seguido, ceibanbanse na mar. Todolos participantes tiveron un agasallos e os primeiros levaron algún detalliño como premio, segundo o peso dos peixes.

Para o vindeiro ano, mais.

2º Concurso de Pesca Infantil

Agosto 2, 2017 on 2:05 | In General

O vindeiro sábado día 5 de Agosto, vaise celebrar nas instalacións da Agrupación Naútica San Gregorio, o 2º concurso de pesca infantil “sen morte”. Neste evento poderán participar nenos e nenas de ata 14 anos de idade.

Os rapaces que estean animados a participar deberán traer unha cana de pescar. Asemade, é obrigatorio que estean acompañados por un adulto durante todo o concurso. A proba dará comezo as 10:00 para rematar as 13:00 do meiodía. Despois procederáse a entrega de premios e accesits para os participantes.

Este concurso está organizado pola Asociación de Pesca Deportiva Rias Baixas, Agrupación Nautica San Gregorio e Remadoira.

Todolos rapaces que queiran participar deberán chamar o teléfono 671 134 055 (Toñito) ou no e-mail pescariasbaixas@gmail.com. A inscripción é de balde.

Anímadevos e vinde a gozar de una divertida mañá.

Páxina seguinte »