2º Concurso de Pesca Infantil

Agosto 2, 2017 on 2:05 | In General

O vindeiro sábado día 5 de Agosto, vaise celebrar nas instalacións da Agrupación Naútica San Gregorio, o 2º concurso de pesca infantil “sen morte”. Neste evento poderán participar nenos e nenas de ata 14 anos de idade.

Os rapaces que estean animados a participar deberán traer unha cana de pescar. Asemade, é obrigatorio que estean acompañados por un adulto durante todo o concurso. A proba dará comezo as 10:00 para rematar as 13:00 do meiodía. Despois procederáse a entrega de premios e accesits para os participantes.

Este concurso está organizado pola Asociación de Pesca Deportiva Rias Baixas, Agrupación Nautica San Gregorio e Remadoira.

Todolos rapaces que queiran participar deberán chamar o teléfono 671 134 055 (Toñito) ou no e-mail pescariasbaixas@gmail.com. A inscripción é de balde.

Anímadevos e vinde a gozar de una divertida mañá.

Navegando con Cogami 2017

Xullo 29, 2017 on 3:54 | In General

Neste ano, coa compaña da Agrupación Náutica San Gregorio,  voltamos a colaborar cos nosos amigos de COGAMI. Estes rapaces con discapacidade veñen connosco a dar un pequeno paseo a vela pola nosa ría e así achegarse e coñecer de preto a navegación en embarcacións tradicionais. Todo un gozo tanto para eles coma para nos.

Nas actividades deste ano programáronse 5 saidas, os dias 14, 21, 28 de Xullo, 4 e 11 de Agosto.

 

Nadal 2016

Decembro 22, 2016 on 9:49 | In General

Botadura da Celia II

Agosto 26, 2016 on 11:49 | In General

O pasado sábado dia 20, organizamos a botadura da nosa gamela coruxeira Celia. Depois de algo máis de 1 ano de traballos a embarcación quedou completamente restaurada.

Noso agradecemento a Consellería do Mar da Xunta de Galicia e a Escola Obradoiro A Aixola, de Marín, pola sua colabouración na fabricacíon da vela, e parabens a todolos membros de Remadoira por facer que este barquiño surque de novo as augas do noso mar.

Botadura da Celia I

Agosto 18, 2016 on 11:16 | In General

IMG-20160818-WA0000

O vindeiro sábado dia 20, vai ter lugar no pantalán da Agrupación Náutica San Gregorio, de Vigo, a botadura da nosa gamela coruxeira Celia. Depois de case dous anos de traballos a gameliña quedou impecable.

Todos aqueles que teñan interese pola nosa cultura mariñeira están convidados ao evento.

Nova Vela

Abril 16, 2016 on 2:16 | In General

17810_909751542470777_2343876634655371639_n

O pasado día 28 de marzo, o Centro de Formación A Aixola fíxonos entrega dunha vela tradicional para a nosa gamela “Celia”, embarcación na que estamos a restaurar e que en poucas semanas xa estará lista para navegar.

Queremos dar o noso agradecemento a Dª Susana Rodriguez Carballo (Directora Xeral de Desenvolvemento Pesqueiro) e a D. Lino Lema Bouzas (Xefe de Servizo de Desenvolvemento Pesqueiro) da Conselleria do Mar da Xunta de Galicia, polas xestións realizadas neste proxecto.

Por suposto, tamén damos o noso agradecemento a Enrique e o resto da tripulación de A Aixola polo bo traballo feito nesta vela.

Nadal 2015

Decembro 24, 2015 on 1:15 | In General

Nadal2015Galego

Carocheando 2015

Decembro 4, 2015 on 12:16 | In General

Outro paseo que fixemos este verán co noso carocho Taiña.

Nesta saida utilizamos unha vara para usala coma unha especie de pau selfie, e facer unha tomas moi fermosas do noso barco.

Saida as Illas Cies 2015

Decembro 3, 2015 on 10:40 | In General

O pasado dia 25 de Xullo, compañeiros de Remadoira fixeron unha saida co carocho Taiña ata as fermosas Illas Cies. A navegada foi moi bonita, cun vento moi forte do noroeste, e comprobando o ben que navega o noso carocho coa sua vela de relinga.

Celia

Febreiro 27, 2015 on 11:38 | In General

Celia

Temos un novo membro na flota de Remadoira. A Celia, unha gamela coruxeira de 4,5 metros. Non está en bo estado, polo que terémoslle que dar uns agarimos, arranxar algúnha taboa, corredores, bancadas…

Vai quedar coma nova.

 

 

« Páxina anteriorPáxina seguinte »