Asociación Cultural Remadoira

Subida ao Rio Verdugo 2019

Coma outros anos, algúns compañeiros fixeron unha travesía dende Vigo ata o río Verdugo. Tres dos nosos barcos, Taiña, Chanquete e Trebello, pasaron baixo as pontes de Arcade e Pontesampaio e navegaron río arriba. Axudados pola marea, chegaron ata praia fluvial de Comboa, en Soutomaior. Unha lixeira e fermosa viaxe, axudado por un forte vento do sur e por unha pousada e gozosa subida por este verde e vizoso río.

4º Concurso de pesca Infantil

Este pasado sábado dia 10, tivo lugar no pantalán da Agrupación Náutica San Gregorio o “IV Concurso de pesca infantil con boia” desenvolto pola Agrupación Náutica de San Gregorio, a Asociación de Pesca Deportiva Rías Baixas e a Asociación de Embarcacións Tradicionais Remadoira.

A xornada foi un éxito de asistencia, nun concurso que cada ano gaña mais adeptos. Este ano coarenta rapaces e rapazas gozaron dunha fermosa xornada de pesca.

Ainda que o día amaneceu gris e choveu a reo nas primeiras horas, mudou e luciu o sol o resto do día, polo que @s rapac@s tiveron unha mañá moi fermosa. Ademáis hai que engadirlle o poder estar en contacto coa natureza, reflexionando, observando e interpretando o medio mentras socializan e desenvolven virtudes coma a paciencia e a constancia.

É un concurso de pesca sen morte, onde o impácto na natureza é mínimo xa que as capturas se voltan a auga despois de pesalas, causándolles a minor molestia posibel.

@s nen@s estiveron acompañados dun adulto, o que foi unha magnífica oportunidade de convivencia, encontro e creación de recordos dunha xornada de pesca xuntos.

Ademais de cinco premios e accesit a peza maior en ambaslas duas categorías (benxamíns e infantís) tódol@s participantes recibiron medallas e un “premio a paciencia” pola súa entrega e constancia na práctica da pesca. Tras participar nun sorteo, despedímosnos ata o vindeiro ano, data que tanto nen@s coma adult@s voltemos a coincidir nun concurso tan entrañabel.

Cogami 2019

Outro ano máis, coa compaña da Agrupación Náutica San Gregorio, voltamos a colaborar cos nosos amigos de COGAMI. Este ano fixemos 3 saidas con uns poucos rapac@s con discapacidade desta federación. Un paseiño que lles senta moi ben e coñecen de preto un pouco da navegación en embarcacións tradicionais. Todo un gozo tanto para eles coma para nos.

Botadura da Uxía (II)

O pasado sábado día 18 realizouse o lanzamento da nai dorma Uxia, despois de cinco anos de traballo. O evento celebrouse no peirao do Grupo Náutico San Gregorio, en Vigo, con quen compartimos este evento.

Nesta fermosa cerimonia contamos coa asistencia do concelleiro de Cultura da Cidade de Vigo, o Sr. don Cayetano Rodríguez Escudero, que honrounos coa súa presenza.

Botadura da Uxia (I)

O vindeiro sábado dia 18, vai ter lugar no pantalán da Agrupación Náutica San Gregorio, de Vigo, a botadura da nosa dorna nai UXIA. Despois de cinco anos de traballos a dorna quedou do trinque.

Todos aqueles que teñan interese pola nosa cultura mariñeira están convidados ao evento.