Saida as Illas Cies 2015

Decembro 3, 2015 on 10:40 | In General

O pasado dia 25 de Xullo, compañeiros de Remadoira fixeron unha saida co carocho Taiña ata as fermosas Illas Cies. A navegada foi moi bonita, cun vento moi forte do noroeste, e comprobando o ben que navega o noso carocho coa sua vela de relinga.

Celia

Febreiro 27, 2015 on 11:38 | In General

Celia

Temos un novo membro na flota de Remadoira. A Celia, unha gamela coruxeira de 4,5 metros. Non está en bo estado, polo que terémoslle que dar uns agarimos, arranxar algúnha taboa, corredores, bancadas…

Vai quedar coma nova.

 

 

Nadal 2014

Decembro 16, 2014 on 2:11 | In General

REMADOIRA NADAL 2014_GALEGO

Susiño

Decembro 8, 2014 on 9:28 | In General

O pasado sábado comezamos a traballar na nosa última xoia, o Susiño. Un bote de popa aberta da Ria de Vigo botado o mar no ano 1936.

Este bote ten o valor engadido de que a súa construcción fíxose a partires doutro bote máis vello, polo que  o noso Susiño ten unha fasquía de mediados ou finais do século XIX.

O primeiro traballo consistiu en facerlle un berce. Despois de 74 anos, a súa madeira non aguantaba máis e cómprelle ter un soporte para previr que o bote descrávese en canto comecemos a restauralo, co risco de deformarse e perderen a súa fasquía.

Nadal 2013

Decembro 20, 2013 on 12:11 | In General

1º Concurso Infantil de Pesca

Setembro 29, 2013 on 4:16 | In General

O vindeiro sábado día 12 de outubro, vaise celebrar nas instalacións da Agrupación Naútica San Gregorio, o 1º concurso de pesca infantil “sen morte”. Neste evento poderán participar nenos e nenas de ata 12 anos de idade.

Os rapaces que estean animados a participar deberán traer unha cana de pescar. Asemade, é obrigatorio que estean acompañados por un adulto durante todo o concurso. A proba dará comezo as 9:00 para rematar as 12:00 do meiodía. Despois procederáse a entrega de premios e accesits para os participantes.

Este concurso está organizado pola Asociación de Pesca Deportiva Rias Baixas, Agrupación Nautica San Gregorio e Remadoira.

Todolos rapaces que queiran participar deberán chamar o teléfono 671 134 055 (Toñito) ou no e-mail pescariasbaixas@gmail.com. A inscripción é de balde.

Anímadevos e vinde a gozar de una divertida mañá.

San Xoan 2013

Xuño 30, 2013 on 9:48 | In General

1ª Varada en Canido

Xuño 20, 2013 on 11:30 | In General

O vindeiro domingo dia 23 e co gallo das fogueiras de San Xoan, embarcacións de Remadoira participarán na 1ª Varada na Praia de Canido, en colaboración coa Comisión de Festas dos Liñares, que organiza esta festa.

Sobre as 18:30 do serán, as nosas embarcacións desembarcarán nesta praia as sardiñas que vanse degustar na sardiñada que escomenzará as 21:00 da noite. Tentaremos entre todos simular a descarga deste peixe que noutrora  facían os barcos do lugar. Que todos gocemos desta festa.

Navegando con Cogami

Xuño 16, 2013 on 1:33 | In General

O pasado venres día 14, un pequeno grupo de usuarios de COGAMI (Confederación Galega de Persoas con Discapade) de Mos (Pontevedra) fixo unha saida polo mar en dous dos nosos barcos (Taiña e Trebello). Esta actividade entra dentro de un proxecto de colaboración conxunta na que tamén participan a Agrupación Náutica SAN GREGORIO e a Escola de Vela Tradicional REMADOIRA. Os rapaces gozaron, nunha fermosa tarde, das sensacións que lles aportaba a navegación a vela tradicional, o contato coa natureza,  o mar e o vento da nosa Ría.

Esta actividade vaise repetir con mais usuarios desta confederación o vindeiro venres día 21. Mais adiante, tense previsto saidas con máis usuarios de outros centros de COGAMI do resto da provincia.

Baixada dos barcos 2013

Xuño 11, 2013 on 1:35 | In General

Co gallo da volta o mar dos nosos barcos, o pasado sábado día 8 tivemos a honorable visíta do Sr. Santos Héctor Rodríguez, concelleiro de Emprego, Participación Cidadá e Voluntariado do Concello de VIGO, ao que lle puidemos agradecer a súa colaboración prestada á asociación e ao seu interese pola nosa tarefa cultural. Asemade, pedímoslle transmitira os mesmos agradecementos ao noso alcade o Sr. Abel Caballero.

O noso concelleiro puido asistir á entrada no mar de dúas embarcacións, as dornas Teis e Temperán, que remataron a súa invernaxe de cada ano. Ademáis interesóuse polo resto das nosas embarcacións que xa estaban no seu amarre e visitóu as boas instalacións do pantalán da Agrupación Náutica de SAN GREGORIO, donde está amarrada a nosa flota. Igualmente mostrou gran interese polas nosas actividades no inverno en prol da conservación dos nosos barcos.

Tamén, o concelleiro asistiu o ensaio do embarque ao Taiña de dunha persoa con discapacidade, dentro dun proxecto de saídas pola Ría con membros da entidade COGAMI, proxecto que se vai desenvolver xunto coa Agrupación Náutica SAN GREGORIO e a Escola de Vela Tradicional REMADOIRA. A proba saíu perfecta, facendo unha breve navegación pola darsena de Bouzas e o posterior desembarque.

« Páxina anteriorPáxina seguinte »