Asociación Cultural Remadoira

Outro ano máis voltamos a navegar cos nosos amigos de COGAMI. Esta tempada compre dicir que foi moi especial:

Primeiro: porque cúmprense 10 anos que comenzamos esta actividade. Dez anos que levamos achegando a mar a estes rapac@s, facendo que gocen dunhas tardes inesquecibles.

Segundo: porque fixemos a estrea dun guindastre para persoas de mobilidade reducida, para facilitarlles o acceso as embarcacións, se fora preciso. Este guindastre forma parte do pantalán da Agrupación Náutica San Gregorio, que sempre están connosco nesta e noutras das nosas actividades.

Compre dicir que esta agrupación ten o 1º pantalán de Galicia para persoas de mobilidade reducida. Rematado no ano 2002 foi proxectado para poder desplazar cadeiras de rodas ou semellantes por toda a instalación; dispón de plataformas e fingers con ancho dabondo, permitindo achegarse con comodidade ata unha das bandas de calquera barco da agrupación. Amáis, a pontella de entrada foi deseñada para un doado acceso independentemente do estado das mareas. Este guindastre ven a ser un plus as instalacións que fan a este pantalán distinto a outros.

Agardamos ao vindeiro ano para gozar tod@s unhas tardes tan fermosas.

Este ano, baixamos a mar 8 embarcacións; entre elas a gamela de Cabo de Cruz NOVA ESPERANZA, que volveu a navegar este ano. Agardamos gozar destes barquiños todo o verán.

Saude pra tod@s.

O pasado día 23 de setembro, celebrouse o nas instalacións da Agrupación Naútica San Gregorio, o VI concurso de pesca infantil “sen morte”, desenvolto pola Agrupación Náutica de San Gregorio, a Asociación de Pesca Deportiva Rías Baixas e a Asociación de Embarcacións Tradicionais REMADOIRA. Neste evento participaron nenos e nenas de 7 ata 16 anos de idade.

A xornada foi un éxito de asistencia, cunha mañán solleira e unha temperatura moi agradabel. É un concurso de pesca sen morte, onde o impácto na natureza é mínimo xa que as capturas se voltan a auga despois de pesalas, causándolles a minor molestia posibel.

Os rapac@s estiveron sempre acompañados dun adulto, o que foi unha magnífica oportunidade de convivencia, encontro e creación de recordos dunha xornada de pesca xuntos.

Houbo medallas para tódolos participantes, e premios para os de maior peso total capturado e para a peza máis pesada.

Agardamos ao vindeiro ano para un novo concurso e outro fermoso día.

Outro ano máis voltamos a colaborar cos nosos amigos de COGAMI. Fixemos varias saidas neste verán con momentos inesquecibles para os nosos amigos. Coma sempre contamos coa axuda da Agrupación Náutica San Gregorio, que sempre colaboran connosco.

Agardamos que o vindeiro ano gozar tod@s unhas tardes tan fermosas.